’स्क्विड गेम ३’ को टिजर रिलिज, नेटफ्लिक्सले ग¥यो रिलिज मिति घोषणा

एजेन्सी । “स्क्विड गेम” सिजन २ को क्रेज दर्शकहरूमा अझै कम भएको छैन कि निर्माताहरूले सिजन ३ को टिजर रिलिज गरेका छन् र यसको रिलिज मितिसमेत घोषणा गरेका छन् । यो ’स्क्विट गेम’ को अन्तिम सिजन हुनेछ । नेटफ्लिक्सले यस वर्ष रिलिज हुने चलचित्र र शृङ्खलाहरूको मल्टिभर्स भिडियो सार्वजनिक गरेको छ । यो मल्टिभर्स भिडियोमा नेटफ्लिक्समा आगामी चलचित्र र शृङ्खलाहरूको सानो झलक छ । नेटफ्लिक्स इन्डियाले ’स्क्विड गेम सिजन ३’ को पोस्टर पनि जारी गरेको छ ।

दक्षिण कोरियाली सर्वाइभल थ्रिलर शृङ्खला ’स्क्विड गेम’ तेस्रो सिजनसँगै समाप्त हुनेछ । तेस्रो सिजन जुन २७ मा रिलिज हुने नेटफ्लिक्सले जनाएको छ । दोस्रो सिजनको चरमोत्कर्षमा पुगेको हुनाले पनि प्रतियोगिता समाप्त गर्ने योजना बनाएका छन् र तेस्रो सिजनले खेलमा फसेका खेलाडीहरू कसरी सकुशल हुन सक्दछ भन्ने जिज्ञासा मेटिने छ । अथवा उनी यो अभियानमा असफल हुनेछन कि ? गी हुनको भूमिका ली जंग–जेले निर्वाह गरेका छन् ।

तेस्रो सिजनमा ली जंग–जेसँगै वेई हा–जुन र ली ब्युङ–हुन पनि प्रस्तुत हुनेछन् । कार्यक्रममा वेई हा–जुनले जुन होको भूमिका निर्वाह गर्नेछन् भने ली ब्युङ–हुनले फ्रन्टम्यानको भूमिका निर्वाह गर्नेछन् ।  ’स्क्विड गेम’ को दोस्रो सिजन गत डिसेम्बर २६, २०२४ मा रिलिज भएको थियो र यसमा ७ एपिसोडहरू थिए । पहिलो र दोस्रो सिजनको बीचमा ३ वर्षको अन्तर थियो । जबकि दोस्रो र तेस्रो बीच ७ महिनाको अन्तर हुनेछ ।

निर्माताहरूले दोस्रो र तेस्रो सिजन लगातार छायांकन गरेका छन् । दोस्रो सिजनमा गि–हुन फर्किन्छन् । तीन वर्षअघि ४५.६ अर्ब दक्षिण कोरियाली वन जितेपछि उनी एक मात्र जीवित खेलाडी हुन् । अब ऊ यी भयानक खेलहरूको पछाडि रहेको खतरनाक संगठनलाई नष्ट गर्न आएको छ । नयाँ खेलाडीहरूलाई जोगाउन उनले धेरै चुनौतीहरूको सामना गर्छन् ।

डिसेम्बरमा रिलिज भएको ’स्क्विड गेम सिजन २’ १७ करोड ३० लाखभन्दा बढी पटक हेरिएको छ । यो कार्यक्रम १.२ अर्ब घण्टाभन्दा बढी समयदेखि हेरिएको छ । यो नेटफ्लिक्समा दोस्रो सबैभन्दा धेरै हेरिएको गैर–अंग्रेजी श्रृंखला बन्यो ।