अनुहारमा बुढ्यौलीको लक्षण देखिन थाले खान सुरु गर्नुहोस् यी चिज

काठमाडौं –उमेर बढ्दै जानु एक प्राकृतिक प्रक्रिया हो जसलाई हामी रोक्न सक्दैनौ तर केही चिजको मद्दतले छालामा देखिने एजिङ साइन्सको गति भने कम गर्न सक्छ । छालामा देखिने चाउरीपनको समस्याबाट छुटकारा पाउनका लागि केराटिन निकै आवश्यक मानिन्छ । हाम्रो छाला, कपाल र नङमा केराटिन पाइन्छ । यो एक प्रकारको प्रोटिन हो जुन छालाका लागि निकै फाइदाजनक हुन्छ र कुनै पनि प्रकारको संक्रमणलाई शरीरमा प्रवेश हुनबाट रोक्छ ।

यहाँ यस्ता चिजबारे जानकारी दिँदै छौँ जसमा केराटिनको मात्रा धेरै हुन्छन् । यी चिजको दैनिक सेवनले चाउरीपन र फाइन लाइन्स कम हुने गर्छ । साथै, यी सबै चिजको सेवनले एजिङ प्रोसेस स्लो हुने गर्छ । यी केराटिनयुक्त चिजबारे जानकारी लिऔँ –

१. सूर्यमुखीको बिउ 

सूर्यमुखीको बिउ निकै स्वादिष्ट र पौष्टिक हुन्छन् जसले केराटिनको उत्पादनलाई बढाउने काम गर्छ । यो बिउले कपाललाई बलियो बनाउनुका साथै चम्किलो पनि बनाउँछ । सूर्यमुखीको बिउमा पेन्टोथेनिक एसिड, सेलेनियम, कपर र भिटामिन ई हुन्छ । यी बिउलाई खाना वा ड्रिङ्कमा मिलाएर पनि सेवन गर्न सकिन्छ ।

२. अण्डा

शरीरमा केराटिनको उत्पादनका लागि अण्डा खानु एक प्राकृतिक तरिका हो । केराटिनको उत्पादनका लागि बायोटिनको विशेष आवश्यकता हुन्छ, यस्तोमा अण्डा बायोटिनको एउटा राम्रो स्रोत हो जसबाट केराटिनको निर्माण हुन्छ । एउटा ठूलो अण्डामा ६ ग्राम प्रोटिन पाइन्छ जसले केराटिनको निर्माणलाई बढाउन मद्दत गर्छ । यसबाहेक अण्डामा भिटामिन ए र बी१२, राइबोफ्लेविन, सेलेनियमजस्ता घटक पनि पाइन्छ ।

३. लसुन

लसुनमा एन–एसिटाइलसिस्टिन नामको एउटा प्लान्ट बेस्ट एन्टिअक्सिडेन्स पाइन्ट जसले कपालको कोशिकालाई सूर्यको किरणबाट आउने बिकिरणलाई रोक्ने काम गर्छ र कपालको विकासलाई प्रोत्साहित गर्ने गर्छ । केराटिनमा एल–सिस्टिन नामको एक एमिनो एसिड पाइन्छ । यसबाहेक लसुनमा भिटामिन सी, बीसिक्स, म्यागनिज र विभिन्न खालका मिनरल्स पाइन्छन् ।

४. प्याज

प्याज खाँदा शरीरमा केराटिनको उत्पादन बढ्ने गर्छ । यसबाहेक प्याजमा फोलेट हुन्छ जुन  कपालको रोम छिद्रलाई बलियो बनाउनका लागि महत्वपूर्ण भिटामिन हो ।

५. हरियो पत्तेदार सागसब्जी

हरियो पत्तेदार सागसब्जी जस्तै पालुङ्गो, केल, बन्दागोभीलगायतमा केराटिनको मात्रा भरपुर हुन्छन् । १ कप पकाइएको हरियो पत्तेदार सागसब्जीमा १५.३ मिलिग्राम केराटिन पाइन्छ । यसबाहेक यो हरियो पत्तेदार सागसब्जी प्रोटिन, भिटामिन, मिनरल्स र आइरनको पनि राम्रो स्रोत मानिन्छ ।

६. शख्खरखण्ड

शख्खरखण्डमा विभिन्न खालका पोषक तत्व पाइन्छन् । यसलाई सुपरफुड पनि भनिन्छ । यसमा बिटा–क्यारोटिन, एक प्रकारको प्रोभिटामिन ए पाइन्छ । यसले केराटिन बनाउँछ र जब शरीरमा केराटिनको प्रयोग गर्छ तब यो भिटामिन ए मा परिवर्तन हुने गर्छ । यसले कपाललाई स्वस्थ बनाउँछ । शख्खरखण्डलाई साधारण आलूको तुलनामा निकै धेरै फाइदाजनक मानिन्छ ।

७. गाजर

गाजरमा भिटामिन ए, भिटामिन सी, भिटामिन के र भिटामिन बी–८, प्यान्टोथेनिक एसिड, फोलेट, पोटासियम, आइरन, कपर,  म्यागनिज र विभिन्न खालका मिनरल्स र भिटामिन पाइन्छन् । गाजरमा अत्यधिक मात्रामा फाइबर र बिटा–क्यारोटिन पाइन्छ । यसले सूर्यबाट आएको हानिकारक अल्टाभेयलेट किरणबाट छालाको रक्षा गर्छ र बिग्रिएको छालाको मर्मत पनि गर्छ ।