मालपोत हाकिमको ‘मोही सेटिङ’: २४ लाखको घुसमा जागिर धराप

भक्तपुर । सेवाग्रहीसँग २४ लाख ५० हजार रुपैयाँ घुस लिँदै गरेका भूमि सुधार तथा मालपोत कार्यालय भक्तपुर, भूमि सुधारका शाखाका प्रमुख मालपोत अधिकृत कुमार आचार्य अख्तियारको फन्दामा परेका छन् ।

उनी सहितको टोलीले मोही र तल्सिङको मुद्दा मिलाइदिने भन्दै उक्त रकम मागेको अख्तियार दुरुपयोग अनुसन्धान आयोगले जनाएको छ । कार्यालय सहयोगी टिकाराम राउत पनि घुस प्रकरणमा संलग्न रहेको खुलेको छ ।

अख्तियारको टोलीले उनीहरूलाई रंगेहात कार्यालउ परिसर व्यासीबाटै पक्राउ गरेको जनाएको छ । साथमा दुई थान मोबाइल समेत बरामद भएको छ । घटनाबारे थप अनुसन्धान भइरहेको आयोग स्रोतले जनाएको छ ।